Imkoniyatdan unumli foydalanishingizga ishonamiz!

“Universitet rektori talabaqizni tabrikladi.”

Hukumat qarori (402-son, 23.06.2020 y.) bilan Oliy ta’lim muassasalariga qo‘shimcha davlat granti asosidagi qabul ko‘rsatkichlari doirasida xotin-qizlarga tanlovda ishtirok etish uchun tavsiyanoma berish va ularni o‘qishga qabul qilishni tashkil etish tartibi to‘g‘risidagi nizom tasdiqlangan edi.
Unga ko’ra, Alisher Navoiy nomidagi ToshDO’TAU ga Respublika bo’ylab, jami 29 nafar xotin-qiz o’qishga qabul qilindi.

Bugun Alisher Navoiy nomidagi ToshDO’TAU rektori  ana shu imtiyoz egalaridan biri – Fotima  Dilmurodovani shaxsan borib qutladi. Esdalik sovg’alari topshirib, talabalar safiga qabul qilingani bilan tabrikladi. Fotima universitetimiznning Tarjima nazariyasi va amaliyoti fakultetiga o’qishga kirdi.
Bu imkoniyat  jamiyat gultoji – ayolga hurmat, uning orzu-intilishlariga rag’batdir.  Alisher Navoiy nomidagi ToshDO’TAU Matbuot xizmati talabalik maqomiga sazovor bo’lgan barcha xotin-qizlarni qutlaydi!  Mamlakat ishonchini oqlashingizga, yurt koriga yaraydigan yetuk kadr bo’lishingizga, ilmning eng yuqori cho’qqilarini egallashingizga ishonamiz!

Matnlarda xatolikka ko`zingiz tushsa, xato jumlani tanlab Ctrl+Enter tugmalariga bosing va bu haqda administratorga xabar yuboring.