Kutubxona haqida

Ilmdan boshqa najot yo’q va bo’lmagay .

              (Imom al – Buxoriy)

     Alisher Navoiy nomidagi Toshkent davlat o’zbek tili va adabiyoti universiteti axborot – resurs markazi faoliyati 2016 – yildan – universitet tashkil topgan vaqtdan boshlab faoliyat yuritadi. Mana, 4 yildirki, talabalarga, professor – o’qituvchilarga uzluksiz xizmat ko’rsatib kelmoqda. Axborot – resurs markazi o’zining bugungi kunga qadar bo’lgan ish jarayonida tadrijiy ravishda o’sish bo’lganini  quyidagi yo’nalishlarda kuzatish kuzatish mumkin :

  1. Axborot – resurs markazidagi adabiyotlarning yildan yilga ko’payishi;
  1. » Elektron buyurtma » tizimi joriy etilgani;
  2. ARMAT dasturi ishga tushirilgani ;
  3. Mashhur tilshunos va adabiyotshunos olimlarning fondi yaratilgani;
  1. Talabalarning samarali mutolaa qilishi uchun zaruriy sharoitlar bilan ta’minlangani.

Hozirda axborot resurs markazida 10 ming nomdagi 30 mingga yaqin badiiy, ilmiy , ilmiy-ommabop, ijtimoiy – siyosiy adabiyotlar, 300 mingdan ortiq elektron resurslar, 5 mingga yaqin mobile kitoblar mavjud.

Ikkita talabalar turar joyida ham kutubxona va o’quv zali tashkil etilgan bo’lib, 24 soat mobaynida faoliyat yuritadi. Talabalar turar joyidagi kutubxonalarda talabalar dars mashg’ulotlariga tayyorgarlik ko’rishi, mushoira uyushtirishi, zamonaviy va hozirgi adabiy jarayondan xabardor bo’lishi uchun yotoqxona talabalar kengashi tomonidan tashkil etilgan » Bir asar tahlili » kabi adabiy kechalarda ishtrok etishi mumkin. Yotoqxona kutubxonalarining 24 soat talabalar xizmatida ekani universitetimizning respublika oliy ta’lim muassasalariga tatbiq etilayotgan tajribasi hisoblanadi.

Axborot – resurs markazimizda » Zakovat» klubi, «Intellektual ring » , «Dasturlash asoslari » , «Kompyuter savodxonligi » , «Notiqlik mahorati » , » Gulshan » , » Yosh tarjimonlar » , «Yosh etnologlar » ,  «Yosh kitobxonlar » , » Kompyuter grafikasi va multimedia » , «Adabiyot ta’limida ilg’or innovatsion texnologiyalar » , » Badiiy tahlil asoslari » , «Smart students » , «Fors tili» , » Lingvist » kabi ko’plab to’garak va klublar talabalarga ilm va ijod sirlarini darslarga qo’shimcha ravishda o’rgatib kelmoqda.

Matnlarda xatolikka ko`zingiz tushsa, xato jumlani tanlab Ctrl+Enter tugmalariga bosing va bu haqda administratorga xabar yuboring.