“Bugun Alisher Navoiy nomidagi o‘zbek tili va adabiyoti universitetida ma’naviyatimiz taraqqiyotiga muhim hissa bo’lib qo’shiladigan yana bir tadbir bo’lib o’tdi.”
Filologiya fanlari doktori, professor Hamidulla Dadaboyev tomonidan yozilgan “Sohibqiron sarkardalari” kitobi taqdimotida taniqli jamoat arboblari, filolog, tarixchi, san’atshunos olimlar ishtirok etishib, risolaning milliy qadriyatlarni o’rganish, Amir Temur hamda sarkardalari qiyofasi, shakl-u shamoyilini, surati va siyratini yaratishdagi ahamiyatli o’rnini ta’kidlashdi. Ma’ruzalarda ustozning mashaqqatli va sharafli mehnatlari, ilmiy jasoratlari e’tirof etildi.